أخـاف من لحظة عن أحباب قلبي
عنهم تبعَدنــــي ومن قهري أموت
ما غير أسلَــي النفس وأدَعيه ربي
كنــــي أناظرها وبالحزن مكبوت
معي تسايرني وأنا أمشـــي بدربي
كني لها مخلوق معها الـــى الموت
ياللحظة اللي صرتي إنتــي بقربي
روفي بمن هو جر من ونته صوت
ما عاد لـــي قدرة بصـــدري أخبي
كم لي أعانــي وكم تجرعته الموت
صرت أترجــــى والرجا فيك ربي
أدعيك يالخــلَاق ياســامع الصوت
راحت سنينٍ ماخـــذة كل عمـــري
وش فايدة صوتــي ليا فاتني الفوت
يا صاحبــي مليت من كثر صبري
على بعادك وإنت مشربـي والقوت
مالــي غنــى عنَك ولا عنك فكري
يسلى بلحظة وإنت بالقلب منحوت
إن كانها الفرقـــى فــــودَي بقبري
ما عاد لي رغبة أبي ساعة الموت